11/04/2018

SI PIRAMIDA DHE TEATRI

nga Dardo Veleno

Pasi shkarraviti diçka mbi letër, e mbylli ngadalë stilografin elegant dhe e futi në xhepin e sipërm. Dukej sikur diçka i kishte ardhur ndër mend. Njeriu përballë po priste me padurim të dëgjonte diçka. Me ton bindës, pothuajse pedagogjik, iu drejtua: “Nuk di si t’jua shpjegoj, por ndoshta aktualiteti i politikës shqiptare na ndihmon”. Continue reading

Advertisements
22/03/2018

TORINO: ROLI I GRAVE MIGRANTE SHQIPTARE

Konferenca që do të zhvillohet në Torino, të martën 27 mars 2018, ora 18.00, pranë sallës Mostre Regione Piemonte (Piazza Castello 165) do të ketë në qendër gratë e vajzat shqiptare në Itali. Aktiviteti merr shkas nga libri “Donne D’Albania. Tra migrazione, tradizione e modernità” (Gra të Shqipërisë. Midis migrimit, traditës dhe modernitetit), përgatitur për botim nga studiuesi shqiptar Rando Devole dhe Claudio Paravati, drejtori i revistës “Confronti” (www.confronti.net). Continue reading

19/03/2018

ROVIGO: REFLEKTIM PËR ROLIN E GRAVE SHQIPTARE

Shoqata kulturore Veneto-Albania, revista “Confronti” dhe kooperativa Majulero, do të organizojnë në qytetin e Rovigos të dielën 25 mars 2018, ora 11.00 (Via Cesare Battisti 8 – Sala Grand Guardia n. 25) një nismë kulturore gjatë së cilës do të diskutohet rreth temave të librit “Donne D’Albania. Tra migrazione, tradizione e modernità” (Gra të Shqipërisë. Midis migrimit, traditës dhe modernitetit), përgatitur për botim nga studiuesi shqiptar Rando Devole dhe Claudio Paravati, drejtori i revistës “Confronti” (www.confronti.net). Libri flet për gratë e vajzat shqiptare në Itali e për rolin e tyre në vendin ku kanë mërguar e në atdhe. Continue reading

14/03/2018

SAN DONÀ DI PIAVE: PREZANTIMI I LIBRIT PËR GRATË SHQIPTARE

Shoqata LAB4, revista “Confronti” dhe Shoqata socio-kulturore Four, do të organizojnë në San Donà di Piave (provinca Venecia), më 24 mars 2018, ora 11.00 (Libreria Moderna, Via XIII Martiri 7) prezantimin e librit “Donne D’Albania. Tra migrazione, tradizione e modernità”, (Gra të Shqipërisë. Midis migrimit, traditës dhe modernitetit), përgatitur për botim nga studiuesi shqiptar Rando Devole dhe Claudio Paravati, drejtori i revistës Confronti. Libri flet për gratë e vajzat shqiptare në Itali e për rolin e tyre në vendin ku kanë mërguar e në atdhe. Continue reading

14/03/2018

PADOVA: NJË NISMË PËR GRATË SHQIPTARE

Aktiviteti kulturor, që do të zhvillohet në Padova të Italisë, më 25 mars 2018, ora 17.30 (Palazzo Zacco, Prato della Valle, 82) është organizuar nga Shoqata kulturore italo-shqiptare Besa, nga revista e qendra e studimit “Confronti” dhe nga Shoqata e puljezëve në Padova.

Nisma merr shkas nga libri “Donne D’Albania. Tra migrazione, tradizione e modernità”, (Gra të Shqipërisë. Midis migrimit, traditës dhe modernitetit), përgatitur për botim nga sociologu Rando Devole dhe drejtori i revistës Confronti (www.confronti.net), Claudio Paravati. Libri flet për gratë e vajzat shqiptare në Itali e për rolin e tyre në vendin ku kanë mërguar e në atdhe. Continue reading

12/03/2018

ASTI: MIGRIMI I GRAVE SHQIPTARE

“Migracioni femëror shqiptar”, kështu titullohet aktiviteti i rëndësishëm që do të zhvillohet në Asti të Italisë, në datën 26 mars 2018, ora 17.00, në selinë e Universitetit (Piazzale Fabrizio de Andrè). Nisma promovohet nga A.M.M.I. (Shoqata Multikulturore e Ndërmjetësve ndërkulturorë), UPO (Universiteti i Piemontes Lindore), revista “Confronti” dhe shoqata kulturore Alb-Art. Continue reading

06/03/2018

PARMA: GRATË MIGRANTE DHE INTEGRIMI

Në Parma, në datën 16 mars 2018, ora 17.00, në Aula dei Filosofi, via Università 12, do të zhvillohet konferenca me titull “Donne migranti e integrazione. Il caso albanese” (Gratë migrante dhe integrimi. Rasti shqiptar), e organizuar nga Shoqata Scanderbeg e Parmës dhe revista “Confronti”, në bashkëpunim me Universitetin e Parmës e me patronazhin e Komunës së Parmës. Continue reading

22/02/2018

LEGJISLACIONI PËR IMIGRANTËT

Një libër i dobishëm. Gjykim i pranuar nga shumë vetë ky për vëllimin me titull “La normativa sugli immigrati e sui rifugiati in Italia: tra formalità e operatività” (Legjislacioni për imigrantët e për refugjatët në Itali: midis formalitetit e operativitetit) me autor Paolo Iafrate, botuar në italisht nga “Affari Sociali Internazionali”, shtëpia botuese Idos (Romë, shkurt 2018, f. 176). Dobishmëria e njohur e librit i detyrohet kryesisht temës së trajtuar dhe qasjes konkrete ndaj saj. Në fakt, publikimi paraqitet si një përmbledhje ligjesh që u kushtohet të gjithë atyre që punojnë në sektorin e imigracionit, por edhe atyre që dëshirojnë ta njohin më thellë këtë dukuri të ndërlikuar. Continue reading

24/01/2018

RRUGËTIMI SHQIPTAR: NGA EMIGRIMI NË ITALI NË INTEGRIMIN EVROPIAN

Më 29 janar 2018, në Spazio Europa në qendër të Romës, do të mbahet konferenca e organizuar nga shoqata italo-shqiptare Occhio Blu – Anna Cenerini Bova dhe agjencia  EPOS që synon të sjellë, krahas bilancit për emigracionin shqiptar në Itali, edhe  një reflektim për ecurinë e Shqipërisë drejt Bashkimit Evropian. Në këtë veprimtari të rëndësishme, ku do të marr pjesë edhe unë.

Programi i nismës mund të shkarkohet këtu.

 

11/01/2018

NDËRMARRJET SHQIPTARE NË VITET E KRIZËS

– sipërmarrësit në Itali –

Sipërmarrësit shqiptarë në Itali, në fillim të vitit 2017, ishin 41.153 me një përqindje prej 6,1% në listën e sipërmarrësve të huaj. Të botuara nga Raporti i Fondacionit Leone Moressa “Rapporto 2017 sull’economia dell’immigrazione”, prezantuar në tetor të 2017-s, të dhënat ndryshojnë disi nga ato të qendrës studimore Idos, sipas së cilës ndërmarrjet e drejtuara nga shqiptarët, në të njëjtën periudhë, e kalonin shifrën 33.300, me një peshë prej 6,9% midis ndërmarrjeve të vogla në Itali. Të dyja burimet u japin vendin e katërt shqiptarëve, pas marokenëve, kinezëve dhe rumunëve. Continue reading