Archive for ‘Udhëtime’

30/03/2017

SHËNIME NGA BURGU I GRAVE

Të vizitosh burgun është gjithnjë përvojë e veçantë, por të shkosh në burgun e grave është përnjëmend mbresëlënëse dhe prekëse nga pikëpamja njerëzore. Informacionet e shumta që merr në lidhje me burgun, nga numri i të burgosurave tek kapaciteti i dhomave, nga veprat penale tek trajnimi i personelit, shkojnë e thërrmohen pikërisht kur i njeh personalisht gratë dhe problemet e tyre “pas hekurave”.

read more »

22/02/2017

PARQET SI OAZA

oazeE keni provuar ndonjëherë të ecni nëpër rrugët e Tiranës me karrocë fëmijësh? Për prindërit e rinj pyetja është e tepërt, ndoshta edhe për gjyshërit me mbesa e nipa të vegjël. Për të tjerët ndoshta jo.  Në rast se nuk ju ka qëlluar, ta zëmë të shkoni me karrocë fëmijësh në një park, provojeni një herë. Është përvojë mbresëlënëse.

read more »

27/01/2017

VIA MARGUTTA (IV)

marmoraro-3-1024x576Nëse kalon në ditë pushimi, që nuk përkon me ndonjë nismë artistike, vështirë ta dallosh punishten “Il Marmoraro” në via Margutta. E mbyllur me kangjella hekuri, pa dritë brenda, punishtja humbet mes dyerve të tjera e mes bimëve të shumta, që duken si ujëvara të gjelbra që rrjedhin mbi mure.

read more »

27/01/2017

VIA MARGUTTA (III)

via-margutta-roma“Pasi u transferova në studion e rrugës Margutta…”, kështu e fillon romanin e tij “Mërzia” (La noia) shkrimtari i njohur italian Alberto Moravia. Kjo rrugë shfaqet shpesh në letërsi, këngë e kinematografi. Lidhja e via Margutta me artin është e hershme dhe vokacioni artistik i saj konfirmohet periodikisht.

read more »

27/01/2017

VIA MARGUTTA (II)

via-margutta-harta-ok-1Prejardhja e emrit të rrugës Margutta nuk është e sigurt. Megjithëse guidat turistike dhe vulgata thonë se toponimi i rrugës vjen nga shtrembërimi “Marisgutia”, domethënë “Goccia di Mare” (Pikë ujë deti), që shënonte jo pa ironi një rrjedhë uji, që zbriste nga Villa Pinci e që shkonte drejt lumit Tevere. Megjithatë, dëshmi të vërtetuara rrëfejnë tjetër origjinë. Sipas këtyre, emrin rruga e paska marrë nga familja Marguti, që rezultonte atje nga censusi i vitit 1526. Në atë rrugë paska banuar një berber me emrin Luigi Marguti[1].

read more »

27/01/2017

VIA MARGUTTA (I)

Për mua që jetoja përtej Perdes së Hekurt, në periferi të Tiranës, kënga “Via Margutta” e kantautorit Luca Barbarossa, prezantuar në Sanremon e largët të 1986-s, ishte poezi e kulluar, kushtuar qytetit të Romës, por edhe dashurisë në përgjithësi.

read more »

19/01/2017

BLETËT E QYTETIT

bleta1Tmerri i qytetarëve në verë janë mushkonjat, ndaj ngujimin e banorëve të pallatit tim e shumë banesave përreth, që i mbyllnin hermetikisht dritaret kryesisht në mbrëmje e interpretova si taktikë mbrojtëse nga insektet e bezdisshme. Po kështu i pashë veprimet në muzg, kur fikeshin dritat e të gjitha dhomave, sikur të fillonte “shtetrrethimi” ose sikur jepej në të gjithë bllokun alarmi “ajri!”. Siç mësova, rreziku kësaj radhe nuk vinte nga mushkonjat, por nga bletët.

read more »

13/01/2017

FUSHAT E KOMBINATIT

njesia-bashkiake-nr-6Historia e lagjes së Kombinatit, pas vitit 1990 e këtej, mund të shkruhet edhe nga pikëpamja e hapësirës publike. Kjo lagje periferike e Tiranës humbi një pjesë të madhe të hapësirave publike që ishin ndërtuar me kalimin e kohës.

read more »

12/01/2017

ÇEZMA, FONTANA, VESPA

Në një skenë të filmit “La grande bellezza”, personazhi kryesor, Jep Gambardella, gjendet duke shëtitur në kodrën Aventino të Romës. Freskohet në çezmën tipike romane, diku afër një vaske, me ujin që del nga goja e një maske gjigante. Ndërsa një grup vajzash të vogla qeshin me zë të lartë. Murgesha e veshur me të bardha u tërheq vëmendjen dhe i fton të futen brenda. Mbetet vetëm njëra prej tyre, bukuri fëmijënore, autentike, mahnitëse në kundërdritë, që shikon me kureshtje nga kisha përballë, por që thërritet menjëherë nga murgesha.

read more »

03/09/2015

QENTË E RRUGËS

Këto ditë në Tiranë, përveç qendrës e disa vendeve vip-ash, ngado të shkosh, do të gjesh qenë. I ke nga të gjitha racat e nga të gjitha llojet.

read more »