Archive for ‘Botime’

03/10/2017

GRA TË SHQIPËRISË. MIDIS MIGRIMIT, TRADITËS DHE MODERNITETIT

Sapo ka dalë nga shtypi libri Donne d’Albania. Tra migrazione, tradizione e modernità (Gra të Shqipërisë. Midis migrimit, traditës dhe modernitetit), një libër i shtëpisë botuese Com Nuovi Tempi, përgatitur nga unë dhe drejtori i revistës Confronti (www.confronti.net), Claudio Paravati.

read more »

Advertisements
04/09/2017

KOMBINATI. PERIFERIA SI PASQYRË

Në numrin e revistës “Përpjekja” (nr. 34 – 35) me titull “Shqiptarët dhe arkitektura” është botuar edhe shkrimi im “Kombinati. Periferia si pasqyrë”.

read more »

18/06/2017

PUNONJËSIT IMIGRANTË: SËMUNDJET PROFESIONALE DHE AKSIDENTET NË BUJQËSI

Sapo doli në shtyp vëllimi “Sëmundjet profesionale dhe aksidentet në bujqësi. Një studim mbi punonjësit imigrantë” (Malattie professionali e infortuni in agricoltura. Un’indagine sui lavoratori immigrati), përgatitur nga Rando Devole (a cura di), Agrilavoro edizioni – FGP, Roma 2017.

Libri është fryt i një studimi të mirëfilltë shkencor i promovuar dhe i realizuar nga sindikata Fai-Cisl e nga Eban.  Ky studim, i përgatitur e i koordinuar prej meje, ka pasur në qendër imigrantët që punojnë në bujqësinë italiane dhe dukuritë e sëmundjeve profesionale e të aksidenteve në punë.

read more »

27/11/2011

Shqiptarët në Itali. Pasojat ekonomike e sociale të imigracionit

Vëllimi u kushtohet shqiptarëve në Itali duke studiuar ndryshimet e këtyre 20 viteve të fundit: nga zbarkimi i parë në vitin 1990, kur Shqipëria ishte ende nën sundimin e regjimit komunist, deri në ditët tona. Në vitet nëntëdhjetë, shqiptarët në Itali ishin prototipi i pranisë së padëshiruar, një farë kokë turku e opinionit publik. Aktualisht shqiptarët përbëjnë një prani “normale”, gjithnjë e më të vlerësuar në punë e në jetën sociale, përveç kriminalitetit të organizuar.

read more »

27/11/2011

Shoqëria dhe forcat e armatosura në Shqipëri

Kriza shqiptare e 1997-s u shkaktua nga firmat piramidale. Askush nuk mund ta përfytyronte se kjo krizë do të thellohej deri në atë pikë sa të prekte edhe institucionet e vendit, madje edhe Forcat e armatosura. Ngjarjet, për fat keq, precipituan pashmangshmërish. Qortimi i FMN për rrezikshmërinë e shoqërive shënoi fillimin e krizës, që vijoi më pas me manifestime, protesta, përleshje me policinë e trazira në të gjithë vendin, me plaçkitjen e kazermave ushtarake, rrëmbimin e armëve, shpërbërjen e Shtetit e të ushtrisë. Bilanci i krizës ishte tragjik e mund të pohohet pa dyshim se ka qenë një nga periudhat më të rënda të historisë shqiptare.

read more »

16/11/2011

Ura mbi det

“Ura mbi det. Emigracioni shqiptar në Itali”, Ora, Tirana 2008.

Emigracioni dhe imigracioni janë i njëjti proces, por i parë nga dy këndvështrime të ndryshme. Në vendet perëndimore, përballë imigracionit, lavjerrësi i opinionit publik luhatet nga paragjykimet dhe frika, deri tek qëndrimet pozitive, gjithnjë në kuadrin e mosnjohjes së dukurisë. Në vendet e prapambetura, emigracioni shihet si rrugëdalje nga hallet ekonomike, kurse emigrantët vetë perceptohen të largët, të rrethuar nga mjegullnaja e padijes, e retorikës dhe e miteve. Në të dyja anët ndihet nevoja për ta  njohur më mirë realitetin.

read more »

16/11/2011

Shqipëria. Dukuri sociale dhe paraqitje

Albania. Fenomeni sociali e rappresentazioni (Shqipëria. Dukuri sociale e paraqitje), Agrilavoro Ed., Roma 1998.

Në qendër të këtij libri është kriza shqiptare e vitit 1997, por lexuesi e kupton menjëherë se kriza përbën vetëm një “pretekst” për ta eksploruar në thellësi shoqërinë shqiptare, që po i përjeton me dhimbje kundërshtitë e saj e që vijon të mbetet pezull mes së kaluarës e së ardhmes. Realiteti shqiptar analizohet nëpërmjet mjetesh të pasura teorike, duke ofruar njohje specifike e njëkohësisht përsiatje me karakter analitik mbi disa dukuri të rëndësishme shoqërore. Vështrimi kryesisht sociologjik ndalet edhe tek paraqitja mediatike në Itali, duke u përpjekur të japë përgjigje disa pyetjeve thelbësore për dinamikën e tyre e për pasojat përkatëse në vendin e vogël ballkanik.

Librin mund ta gjeni në të gjitha libraritë Adrion në Tiranë.

 

14/11/2011

Imigracioni shqiptar në Itali (L’immigrazione albanese in Italia)

Të dhëna, përsiatje, emocione

Imigracioni është një nga temat me të cilat është më e lehtë të biesh në kurthin e stereotipave; ato të frikës, që e paraqesin imigracionin si një kërcënim, dhe ato të përkundërta, që ushqehen nga një optimizëm i përgjithshëm. Vetë nocioni i “imigrantit” shndërrohet kështu në një stereotip, duke harruar se imigrantët janë njerëz që vijnë nga vende të ndryshme, që kanë kultura të ndryshme, gjuhë të ndryshme, dhe një mënyrë të ndryshme për të jetuar praninë e tyre në Itali. Libri “Imigracioni shqiptar në Itali” ofron rastin për të reflektuar lidhur me tema shumë aktuale, që kanë të bëjnë me imigrantët dhe natyrisht me shoqëritë nga ku nisen e ku mbërrijnë. Ndryshimet epokale të ndodhura në vendet perëndimore kërkojnë një përqasje dhe një përgjigje strukturore ndaj problematikave të reja, midis të cilave spikat pa dyshim imigracioni. Dukuri komplekse që duhet kuptuar para se të administrohet. Të flasësh për integrim, shtetësi, mbrojtje, të drejta, detyra, multikulturalizëm, solidaritet, dinjitet, mundësi, globalizim, identitet, ndryshmëri, punë, flukse, politika, do të thotë të pranosh sidat e modernitetit dhe të përballosh problemet e së tashmes e të ardhmes.Rando Devole, L’immigrazione albanese in Italia, Agrilavoro ed., Roma 2006, Isbn: 88-88110-22-4, f. 311.

Librin mund ta gjeni në të gjitha libraritë Adrion në Tiranë.

read more »

14/11/2011

Dituria më përndjek, por unë jam më i shpejtë

1401 fjalë (jo dhe aq) të urta

Zgjodhi dhe i përktheu Rando Devole

“Ju lutem, mos i merrni seriozisht, janë vetëm të vërteta” R.D.

 

Parathënia shkruar nga Visar Zhiti

COPËZA MENÇURIE KUNDËR COPËZIMIT TË MENÇURISË

(1001 porosira sëprapthi)

read more »

13/11/2011

Zbulimi i Shqipërisë (La Scoperta dell’Albania)

Gli albanesi secondo i mass media (Shqiptarët sipas mass mediave)

La Scoperta dell’ Albania (Zbulimi i Shqipërisë), i shkruar me bashkautor Ardian Vehbiun dhe i botuar në Itali (Edizioni Paoline, Milano) në 1996, është një kronikë e komentuar e rolit që luajtën mass mediat italiane, në fillim të viteve 1990, në informimin e publikut italian për dyndjen e refugjatëve nga Shqipëria, kryesisht në periudhën prill-gusht 1990; si dhe një refleksion për përvetësimin e mediatizuar të realitetit, në kushtet kur pjesa më e madhe e publikut perëndimor e merr kontaktin me botën të ndërmjetësuar nga mediat. Autorët u mbështetën në analiza të hollësishme të kronikës së zezë në gazetat e përditshme më të mëdha të Italisë, si dhe në të kronikave televizive, reportazheve të gazetarëve që vizitonin Shqipërinë dhe reagimet e vetvetishme të publikut të mediave ndaj “kërcënimit” shqiptar. Vend i veçantë në libër u kushtohet analizave të materialeve vizuale dhe multimediale, si posterit reklamues Benetton dhe filmit Lamerica të Gianni Amelios, i cili u prit me polemika të mëdha në Shqipëri. Teza e autorëve, e konfirmuar edhe nga ngjarjet e ndryshme pas botimit të librit në 1996, është se mass mediat italiane i kushtëzuan marrëdhëniet e publikut dhe të qytetarëve të atij vendi me të ardhurit shqiptarë në mënyrë të tillë, që të prodhonin, a posteriori, pikërisht ato efekte për rrezikun e të cilave paralajmëronin; dhe veçanërisht mikro-kriminalitetin ndër refugjatët shqiptarë, i cili i detyrohet, në masë të madhe, mënyrës së këta u trajtuan, gjatë muajve të parë, nga autoritetet italiane, të cilat i druheshin veçanërisht konfrontimit me një publik të tmerruar nga vetë mediat.

Librin mund ta gjeni në të gjitha libraritë Adrion në Tiranë.