28/07/2019

HABIA

Elegant. Në stil, në rrëfim, në fabul, në strukturë. Romani “Habia” i shkrimtarit Dashnor Kokonozi, botuar nga Uegen, është vërtet elegant. Në kuptimin jo vetëm të shijes së hollë e mjeshtërisë në shkrim, por edhe në ndërtimin e ngjarjeve e të personazheve, sikurse në dialogët dhe reflektimet e tyre. Elegancë që e shoqëron lexuesin faqe pas faqe, kapitull pas kapitulli, pavarësisht se aty tregohen ndodhi dramatike, ndjenja turbulluese, dilema tronditëse, ankthe marrorëse; por edhe situata absurde e groteske, shpeshherë shoqëruar nga nuanca komike, fryt i një konteksti sa paradoksal aq edhe i njëmendtë. Ekuilibër i vështirë për t’u mbajtur në rrëfim, por i arritur falë thjeshtësisë e lehtësisë me të cilat përballohen historitë e personazhet, çka ofron edhe ndjesinë e qasjes diskrete ndaj dukurive njerëzisht tragjike. Continue reading

Advertisements
28/06/2019

EMIGROJNË ENDE SHQIPTARËT NË ITALI?

Sipas narrativës mbizotëruese, Shqipëria është transformuar përfundimisht nga vend emigrantësh në vend imigrantësh, që tashmë ia lejon vetes të ndihmojë Europën për pritjen e migrantëve. Italia, nga ana e vet, deri disa vite më parë, përshkruhej si ëndrra e shqiptarëve, mirëpo më pas në mediat italiane filluan të shfaqen reportazhe e artikuj për shqiptarë që ktheheshin në atdhe dhe për italianë që pasuroheshin në vendin përballë. Continue reading

04/06/2019

GËSHTENJA

gështenjaÇfarë na vjen ndër mend po të dëgjojmë fjalën gështenjë? Me cilat pamje e përshoqërojmë këtë fjalë? Varet, natyrisht, nga përvoja personale e gjithkujt. Mua më kujtohet dimri, aroma e këndshme e gështenjave mbi sobë, kërcitjet karakteristike të pjekjes, shija e mrekullueshme… Personalisht, nuk e di përse, gështenjat më sjellin në mend një farë qetësie shpirtërore, çka mund të shpjegohet edhe me faktin se gështenjat i kam ngrënë afër zjarrit, si fruta dimri, pra në momente të këndshme. Rrallë herë i kam përdorur në vend të bukës, por ishte gjithsesi zëvendësim i mirëpritur. Continue reading

02/06/2019

PESKARA. VEPRIMTARI PËR GRATË SHQIPTARE

Në Peskara të Italisë, të shtunën 8 qershor 2019, në orën 11.00, tek Museo  Vittoria Colonna, via Gramsci 1, do të zhvillohet një konferencë që do të ketë në qendër gratë e vajzat shqiptare. Nisma organizohet në kuadrin e Rosadonna Festival në krahinën Abruco nga revista e qendra studimore “Confronti”, Shoqata “Radici e Ali” dhe Anfe, Shoqata kombëtare e familjeve të emigrantëve. Aktiviteti merr shkas nga libri “Donne d’Albania. Tra migrazione, tradizione e modernità” (Gra të Shqipërisë. Midis migrimit, traditës dhe modernitetit) me kuratorë Rando Devole e Claudio Paravati. Continue reading

04/04/2019

PERËNDIA E MIGRANTËVE

Përvoja fetare e imigrantëve përbën pa dyshim një përmasë pak të eksploruar e ndonjëherë të keqkuptuar. Vënia e saj në qendër të tre kërkimeve shkencore është meritë e autorëve dhe kuratorëve të vëllimit “Il Dio dei migranti. Pluralismo, conflitto, integrazione” (Perëndia e migrantëve. Pluralizëm, konflikt, integrim) përgatitur nga Maurizio Ambrosini, Paolo Naso, Claudio Paravati (shtëpia botuese Il Mulino, 2019). Studimet për imamët e xhamive italiane, për ortodoksët rumunë e për fytyrat e ndryshme të krishterimit midis imigrantëve përfaqësojnë një hap përpara në rrugëtimin njohës të një shoqërie shumëkulturore e shumetnike si ajo italiane.

Continue reading

07/03/2019

KONFERENCË PËR ROLIN E DIASPORAVE DHE MIGRACIONIN

Pasditen e datës 14 mars 2019, në Romë, në Dhomën e Deputetëve të Parlamentit italian do të zhvillohet konferenca “Migrazione, Accoglienza, Inclusione, Co-sviluppo. Il ruolo delle diaspore med-africane”. Continue reading

25/02/2019

KONKRETISHT

– Politika shtetërore për diasporën –

 

Thembra e Akilit e politikës shtetërore për diasporën qëndron vetëm tek një fjalë: konkretisht. Në qoftë se pyetjet bëhen duke përdorur këtë ndajfolje, në rastin më të mirë, si përgjigje mund të merren belbëzime të pakuptueshme ose fjalë të mëdha, por në thelb boshe. Mund ta fillonim me një pyetje madhore: çfarë është bërë konkretisht për diasporën, ose në lidhje me diasporën, këto vitet e fundit? Pra çfarë masash e veprimesh konkrete janë bërë në drejtim të diasporës? Si gjithnjë, rreziku është që një pyetjeje të thjeshtë autoritetet t’i përgjigjen me dokumente vullnetmira e strategji shumëvjeçare, të hartuara me mjeshtëri, por që konkretisht, pra nga pikëpamja konkrete, nuk kanë shumë vlerë. Continue reading

25/02/2019

IMIGRACIONI NË ITALI E SHKËMBI I SIZIFIT

Atyre që studiojnë, përshkruajnë, shpjegojnë e tregojnë dukurinë migratore, herët a vonë do t’u vijë ndër mend një personazh i mitologjisë greke, i famshëm për mundimin çnjerëzor e për këtë arsye i futur në histori e në gjuhë.

Sipas mitit, Sizifi u dënua nga Perënditë që të shtynte një shkëmb të rëndë deri në majën e një mali, por sapo mbërrinte në krye binte sërish poshtë, duke e detyruar ta rifillonte nga e para. E kështu në përjetësi, duke transportuar një gur që rrokullisej vazhdimisht. Ndëshkimi i Sizifit, siç dihet, do të bëhet në shekuj simboli i çdo përpjekjeje të padobishme, që e bëhet e kotë sapo realizohet [1]. Continue reading

16/02/2019

MEKANIZMAT E DISKUTUESHME TË KËSHILLIT

Kandidaturat e shpallura për Këshillin Koordinues të Diasporës shkaktuan një sërë polemikash, por deri tani nuk është bërë ndonjë analizë e posaçme për këtë organizëm ose për procedurat e formimit të tij. Reflektimet për këto aspekte duhet të kishin paraprirë përbërjen e tij, sepse fillimisht duhet diskutuar për rolin e funksionimin e një organizmi e më pas për emra të përveçëm. Continue reading

12/12/2018

“PIRAMIDA E PEZULLT”

“Piramida e pezullt” është një reportazh i shkurtër që flet për ndërtesën e Tiranës ku dikur ishte Muzeu i diktatorit shqiptar Enver Hoxha. E përuruar në fund të viteve 1980, pak vite pas vdekjes së tij, shfaqet sot krejt e braktisur, ndonëse nuk kanë munguar në kohën e pluralizmit orvatje për ripërdorim, ristrukturim, në mos për shkatërrim. Continue reading